Ek ja harf-e-wafa likha tha so bhi मिट gaya

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 41 chapter_title: "Ek ja harf-e-wafa likha tha so bhi मिट gaya" chapter_slug: "41-ek-ja-harf-e-wafa-likha-tha-so-bhi-gaya" variant_id: "af569ad3-4430-463e-937e-c3f410bf9e0b" content_type: transliteration layout: verse language: Urdu source_language: Urdu language_direction: ltr script: latin word_count: 101 estimated_read_time: 1

Ek ja harf-e-wafa likha tha so bhi मिट gaya Zaahiran kaaghaz tere khat ka ghalat-bardaar hai

Jee jale zauq-e-fana ki na-tamami par na kyun Hum nahin jalte nafas har chand aatish-baar hai

Aag se paani mein bujhte waqt uthti hai sada Har koi darmaandagi mein naale se naachaar hai

Hai wohi bad-masti-e-har-zarra ka khud uzr-khwaah Jis ke jalwe se zameen ta aasmaan sarshaar hai

Mujh se mat keh tu humein kehta tha apni zindagi Zindagi se bhi mera jee in dinon bezaar hai

Aankh ki tasveer sar-naame pe kheenchi hai ke ta Tujh pe khul jaave ke iss ko hasrat-e-deedar hai