Ek ek qatre ka mujhe dena pada hisaab

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 40 chapter_title: Ek ek qatre ka mujhe dena pada hisaab chapter_slug: "40-ek-ek-qatre-ka-mujhe-dena-pada-hisaab" variant_id: "33e4b9dd-66d9-49ad-bfd6-b14b4a35b37a" content_type: transliteration layout: verse language: Urdu source_language: Urdu language_direction: ltr script: latin word_count: 109 estimated_read_time: 1

Ek ek qatre ka mujhe dena pada hisaab Khoon-e-jigar vadeeyat-e-mizhgaan-e-yaar tha

Ab main hoon aur maatam-e-yak-sheher-e-aarzu Toda jo tu ne aaina timsaal-daar tha

Galiyon mein meri naash ko kheenche phiro ke main Jaan-daad-e-hawa-e-sar-e-rahguzaar tha

Mauj-e-saraab-e-dasht-e-wafa ka na pooch haal Har zarra misl-e-jauhar-e-tegh aab-daar tha

Kam jaante the hum bhi gham-e-ishq ko par ab Dekha toh kam hue pe gham-e-rozgaar tha

Kis ka junoon-e-deed tamanna-shikaar tha Aaina-khaana vaadi-e-jauhar-ghubaar tha

Kis ka khayaal aaina-e-intezaar tha Har barg-e-gul ke parde mein dil be-qaraar tha

Jyun ghuncha-o-gul aafat-e-faal-e-nazar na pooch Paikaan se tere jalwa-e-zakhm aashkaar tha

Dekhi wafa-e-fursat-e-ranj-o-nishaat-e-dehr Khamyaaza yak-daraazi-e-umr-e-khumaar tha

Subh-e-qayaamat ek dam-e-gurg thi 'Asad' Jis dasht mein woh shokh-e-do-aalam shikaar tha