Deewangi se dosh pe zunnar bhi nahin

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 28 chapter_title: Deewangi se dosh pe zunnar bhi nahin chapter_slug: "28-deewangi-se-dosh-pe-zunnar-bhi-nahin" variant_id: "2f03ebdd-1207-4311-b6c1-62ed64d07b70" content_type: transliteration layout: verse language: Urdu source_language: Urdu language_direction: ltr script: latin word_count: 135 estimated_read_time: 1

Deewangi se dosh pe zunnar bhi nahin Yaani hamare jeb mein ik taar bhi nahin

Dil ko niyaz-e-hasrat-e-deedar kar chuke Dekha toh hum mein taaqat-e-deedar bhi nahin

Milna tera agar nahin aasaan toh sehel hai Dushwaar toh yahi hai ke dushwaar bhi nahin

Be-ishq umr kat nahin sakti hai aur yaan Taaqat ba-qadr-e-lazzat-e-aazaar bhi nahin

Shoreedagi ke haath se hai sar vabaal-e-dosh Sehra mein ae Khuda koi deewar bhi nahin

Gunjaish-e-adawat-e-aghyar yak taraf Yaan dil mein zoaf se hawas-e-yaar bhi nahin

Dar naala-haaye-zaar se mere Khuda ko maan Aakhir nawa-e-murgh-e-giraftaar bhi nahin

Dil mein hai yaar ki saf-e-mizhgaan se rokashi Haalanke taaqat-e-khalish-e-khaar bhi nahin

Is saadgi pe kaun na mar jaaye ae Khuda Ladte hain aur haath mein talwaar bhi nahin

Dekha Asad ko khalwat-o-jalwat mein baarha Deewana gar nahin hai toh hoshiyaar bhi nahin