Dard minnat-kash-e-dawa na hua

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 26 chapter_title: "Dard minnat-kash-e-dawa na hua" chapter_slug: "26-dard-minnat-kash-e-dawa-na-hua" variant_id: "e9d336a4-755c-4f7c-b145-8756ada59acf" content_type: transliteration layout: verse language: Urdu source_language: Urdu language_direction: ltr script: latin word_count: 126 estimated_read_time: 1

Dard minnat-kash-e-dawa na hua Main na achha hua, bura na hua

Jama karte ho kyun raqeebon ko Ik tamasha hua, gila na hua

Hum kahan qismat aazmane jaayen Tu hi jab khanjar-aazma na hua

Kitne shirin hain tere lab ke raqeeb Gaaliyan kha ke be-maza na hua

Hai khabar garam un ke aane ki Aaj hi ghar mein boriya na hua

Kya woh Namrood ki khudaai thi Bandagi mein mera bhala na hua

Jaan di, di hui usi ki thi Haq toh yun hai ke haq adaa na hua

Zakhm gar dab gaya lahu na thama Kaam gar ruk gaya rawa na hua

Rehzani hai ke dil-sitaani hai Le ke dil, dil-sitaan rawana hua

Kuch toh padhiye ke log kehte hain Aaj 'Ghalib' ghazal-sara na hua