Daim pada hua tere dar par nahin hoon main

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 24 chapter_title: Daim pada hua tere dar par nahin hoon main chapter_slug: "24-daim-pada-hua-tere-dar-par-nahin-hoon-main" variant_id: "a208b592-40c4-4776-90ea-83e5e61e8989" content_type: transliteration layout: verse language: Urdu source_language: Urdu language_direction: ltr script: latin word_count: 125 estimated_read_time: 1

Daim pada hua tere dar par nahin hoon main Khaak aisi zindagi pe ke patthar nahin hoon main

Kyun gardish-e-mudaam se ghabra na jaaye dil Insaan hoon, pyaala-o-saaghar nahin hoon main

Ya Rab, zamaana mujh ko mitaata hai kis liye Lauh-e-jahaan pe harf-e-mukarrar nahin hoon main

Had chaahiye saza mein uqubat ke waaste Aakhir gunahgaar hoon, kaafir nahin hoon main

Kis waaste aziz nahin jaante mujhe Laal o zumurrad o zar o gohar nahin hoon main

Rakhte ho tum qadam meri aankhon se kyun daregh Rutbe mein mehr-o-maah se kam-tar nahin hoon main

Karte ho mujh ko mana-e-qadam-bos kis liye Kya aasmaan ke bhi baraabar nahin hoon main

Ghalib, wazifa-khwaar ho, do shah ko dua Woh din gaye ke kehte the naukar nahin hoon main