shab-e-akhtar qadah-e-aish ne mehmil baandha

شب اختر قدح عیش نے محمل باندھا باریک قافلۂ_آبلہ منزل باندھا

سبحہ واماندگی شوق و تماشا منظور جادہ پر زیور صد آئینہ منزل باندھا

ضبط_گریہ گہر آبلہ لایا آخر پائے صد موج طوفان کدہ دل باندھا

حیف اے ننگ تمنا کہ پے عرض حیا یک عرق آئینہ وجہ سائل باندھا

حسن آشفتگی جلوہ سے عرض اعجاز دست_مو سے بہ_سر_دعویٰ باطل باندھا

تپش_آئنہ پرداز_تمنا لائی نامۂ_شوق بہ_بال_پر_بسمل باندھا

دیدہ تا دل ہے یک آئینہ چراغاں کس نے خلوت_ناز پہ پیرایۂ_محفل باندھا

نا_امیدی نے بہ_تقریب_مضامین_خمار کوچۂ_موج کو خمیازۂ_ساحل باندھا

مطرب_دل نے مرے تار_نفس سے غالبؔ ساز پر رشتہ پئے_نغمۂ_بیدل باندھا