Zakhm par chhidkein kahan tiflaan-e-be-parwa namak

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 205 chapter_title: "Zakhm par chhidkein kahan tiflaan-e-be-parwa namak" chapter_slug: "205-zakhm-par-chhidkein-kahan-tiflaan-e-be-parwa-namak" variant_id: "46090f31-3467-4c7e-b1c3-226da5a113da" content_type: transliteration layout: verse language: Urdu source_language: Urdu language_direction: ltr script: latin word_count: 136 estimated_read_time: 1

Zakhm par chhidkein kahan tiflaan-e-be-parwa namak Kya maza hota agar patthar mein bhi hota namak

Gard-e-raah-e-yaar hai saamaan-e-naaz-e-zakhm-e-dil Warna hota hai jahan mein kis qadar paida namak

Mujh ko arzaani rahe tujh ko mubarak hojiyo Naala-e-bulbul ka dard aur khanda-e-gul ka namak

Shor-e-jaulaan tha kinaar-e-bahr par kis ka ke aaj Gard-e-saahil hai ba-zakhm-e-mauja-e-dariya namak

Daad deta hai mere zakhm-e-jigar ki waah waah Yaad karta hai mujhe, dekhe hai woh jis jaa namak

Chhod kar jaana tan-e-majrooh-e-aashiq haif hai Dil talab karta hai zakhm aur maange hain aaza namak

Ghair ki minnat na kheenchunga pa-e-taufeer-e-dard Zakhm misl-e-khanda-e-qaatil hai sar-ta-pa namak

Yaad hain Ghalib tujhe woh din ke wajd-e-zauq mein Zakhm se girta toh main palkon se chunta tha namak

Is amal mein aish ki lazzat nahi milti Asad Zor nisbat mai se rakhta hai izaara ka namak