Tu dost kisu ka bhi sitam-gar na hua tha

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 192 chapter_title: "Tu dost kisu ka bhi sitam-gar na hua tha" chapter_slug: "192-tu-dost-kisu-ka-bhi-sitam-gar-na-hua-tha" variant_id: "0679283d-465d-4901-bde4-1b9db7af2be9" content_type: transliteration layout: verse language: Urdu source_language: Urdu language_direction: ltr script: latin word_count: 100 estimated_read_time: 1

Tu dost kisu ka bhi sitam-gar na hua tha Auron pe hai woh zulm ke mujh par na hua tha

Chhoda mah-e-nakhshab ki tarah dast-e-qaza ne Khursheed hanoz us ke barabar na hua tha

Taufeeq ba-andaza-e-himmat hai azal se Aankhon mein hai woh qatra ke gohar na hua tha

Jab tak ke na dekha tha qad-e-yaar ka aalam Main mo'taqid-e-fitna-e-mahshar na hua tha

Main saada-dil aazurdagi-e-yaar se khush hoon Yaani sabaq-e-shauq mukarrar na hua tha

Darya-e-maasi tunak-aabi se hua khushk Mera sar-e-daaman bhi abhi tar na hua tha

Jaari thi Asad daagh-e-jigar se meri tehseel Aatish-kada jageer-e-samandar na hua tha