Tere tausan ko saba baandhte hain

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 191 chapter_title: Tere tausan ko saba baandhte hain chapter_slug: "191-tere-tausan-ko-saba-baandhte-hain" variant_id: "4c84d989-65c3-4a6f-a5aa-9e4fc45559d4" content_type: transliteration layout: verse language: Urdu source_language: Urdu language_direction: ltr script: latin word_count: 149 estimated_read_time: 1

Tere tausan ko saba baandhte hain Hum bhi mazmoon ki hawa baandhte hain

Aah ka kis ne asar dekha hai Hum bhi ek apni hawa baandhte hain

Teri fursat ke muqabil ae umr Barq ko pa-ba-hina baandhte hain

Qaid-e-hasti se rihaai maloom Ashk ko be-sar-o-pa baandhte hain

Nasha-e-rang se hai waashud-e-gul Mast kab band-e-qaba baandhte hain

Ghalati-haaye-mazaameen mat pooch Log naale ko rasa baandhte hain

Ahl-e-tadbeer ki waamaandagiyaan Aablon par bhi hina baandhte hain

Saada purkaar hain khoobaan Ghalib Hum se paimaan-e-wafa baandhte hain

Paaon mein jab woh hina baandhte hain Mere haathon ko juda baandhte hain

Husn-e-afsurda-dili-ha-e-rangeen Shauq ko pa-ba-hina baandhte hain

Qaid mein bhi hai aseeri aazaad Chashm-e-zanjeer ko wa baandhte hain

Shaikh-ji Kaabe ka jaana maloom Aap masjid mein gadha baandhte hain

Kis ka dil zulf se bhaaga ke Asad Dast-e-shaana ba-qazaa baandhte hain

Tere beemaar pe hain faryaadi Woh jo kaaghaz mein dawa baandhte hain