Taskeen ko hum na royein jo zauq-e-nazar mile

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 190 chapter_title: "Taskeen ko hum na royein jo zauq-e-nazar mile" chapter_slug: "190-taskeen-ko-hum-na-royein-jo-zauq-e-nazar-mile" variant_id: "8bf2e585-7787-4282-a678-6e519b9a45d5" content_type: transliteration layout: verse language: Urdu source_language: Urdu language_direction: ltr script: latin word_count: 103 estimated_read_time: 1

Taskeen ko hum na royein jo zauq-e-nazar mile Hooran-e-khuld mein teri soorat magar mile

Apni gali mein mujh ko na kar dafn baad-e-qatl Mere pate se khalq ko kyun tera ghar mile

Saaqi-gari ki sharm karo aaj warna hum Har shab piya hi karte hain mai jis qadar mile

Tujh se toh kuch kalaam nahin lekin ae nadeem Mera salaam kehiyo agar naama-bar mile

Tum ko bhi hum dikhayein ke Majnoon ne kya kiya Fursat kashakash-e-gham-e-pinhaan se gar mile

Laazim nahin ke Khizr ki hum pairavi karein Jaana ke ik buzurg humein hum-safar mile

Ae saakinan-e-koocha-e-dil-daar dekhna Tum ko kahin jo Ghalib-e-ashufta-sar mile