Shab keh barq-e-soz-e-dil se zehra-e-abr aab tha

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 180 chapter_title: "Shab keh barq-e-soz-e-dil se zehra-e-abr aab tha" chapter_slug: "180-shab-keh-barq-e-soz-e-dil-se-zehra-e-abr-aab-tha" variant_id: "f6f95044-3f61-41c1-adf2-f17c5d5506c6" content_type: transliteration layout: verse language: Urdu source_language: Urdu language_direction: ltr script: latin word_count: 103 estimated_read_time: 1

Shab keh barq-e-soz-e-dil se zehra-e-abr aab tha Shola-e-jawwala har yak halqa-e-girdaab tha

Waan karam ko uzr-e-baarish tha inaan-geer-e-khiraam Girya se yaan pamba-e-baalish kaf-e-sailaab tha

Waan khud-aaraai ko tha moti pirone ka khayaal Yaan hujoom-e-ashk mein taar-e-nigah naayaab tha

Jalwa-e-gul ne kiya tha waan charaghaan aab-e-joo Yaan rawaan mizhgaan-e-chashm-e-tar se khoon-e-naab tha

Yaan sar-e-pur-shor be-khwaabi se tha deewaar-joo Waan woh farq-e-naaz mehv-e-baalish-e-kamkhwaab tha

Yaan nafas karta tha roshan shama-e-bazm-e-be-khudi Jalwa-e-gul waan bisaat-e-sohbat-e-ahbaab tha

Farsh se ta arsh waan toofaan tha mauj-e-rang ka Yaan zameen se aasmaan tak sokhtan ka baab tha

Naagahaan is rang se khoon-naaba tapkaane laga Dil keh zauq-e-kaawish-e-naakhun se lazzat-yaab tha