Rukh-e-nigaar se hai soz-e-jaavedaani-e-shama

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 173 chapter_title: "Rukh-e-nigaar se hai soz-e-jaavedaani-e-shama" chapter_slug: "173-rukh-e-nigaar-se-hai-soz-e-jaavedaani-e-shama" variant_id: "9dec2527-cf5e-4348-ab76-9a14c629246a" content_type: transliteration layout: verse language: Urdu source_language: Urdu language_direction: ltr script: latin word_count: 74 estimated_read_time: 1

Rukh-e-nigaar se hai soz-e-jaavedaani-e-shama Hui hai aatish-e-gul aab-e-zindagaani-e-shama

Zubaan-e-ahl-e-zubaan mein hai marg-e-khaamoshi Yeh baat bazm mein raushan hui zubaani-e-shama

Kare hai sarf ba-imaa-e-shola qissa tamaam Ba-tarz-e-ahl-e-fana hai fasaana-khwaani-e-shama

Gham usko hasrat-e-parwaana ka hai aye sholay Tere larazne se zaahir hai na-tawaani-e-shama

Tere khayaal se rooh ehtizaaz karti hai Ba-jalva-rezi-e-baad o ba-par-fishaani-e-shama

Nishaat-e-daagh-e-gham-e-ishq ki bahaar na poochh Shaguftagi hai shaheed-e-gul-e-khizaani-e-shama

Jale hai dekh ke baalin-e-yaar par mujh ko Na kyon ho dil pe mere daagh-e-bad-gumaani-e-shama