Rone se aur ishq mein be-baak ho gaye

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 172 chapter_title: "Rone se aur ishq mein be-baak ho gaye" chapter_slug: "172-rone-se-aur-ishq-mein-be-baak-ho-gaye" variant_id: "a2fd0a27-649e-4c2a-8a73-f5b243f6ea24" content_type: transliteration layout: verse language: Urdu source_language: Urdu language_direction: ltr script: latin word_count: 109 estimated_read_time: 1

Rone se aur ishq mein be-baak ho gaye Dhoye gaye hum itne ke bas paak ho gaye

Sarf-e-baha-e-may hue aalaat-e-maikashi The yehi do hisaab so yun paak ho gaye

Rusva-e-dahr go hue aawargi se tum Baare tabiyaton ke to chaalaak ho gaye

Kehta hai kaun naala-e-bulbul ko be-asar Parde mein gul ke laakh jigar chaak ho gaye

Poochhe hai kya wujood o adam ahl-e-shauq ka Aap apni aag ke khas-o-khashaak ho gaye

Karne gaye the us se taghaful ka hum gila Ki ek hi nigaah ke bas khaak ho gaye

Is rang se uthaai kal us ne 'Asad' ki naash Dushman bhi jis ko dekh ke gham-naak ho gaye