Phir is andaaz se bahaar aayi

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 161 chapter_title: Phir is andaaz se bahaar aayi chapter_slug: "161-phir-is-andaaz-se-bahaar-aayi" variant_id: "22ff0b53-a9c6-4e35-9753-ecd31dcdd6fe" content_type: transliteration layout: verse language: Urdu source_language: Urdu language_direction: ltr script: latin word_count: 69 estimated_read_time: 1

Phir is andaaz se bahaar aayi Ke hue mehr-o-mah tamaashai

Dekho ae saakinan-e-khitta-e-khaak Is ko kehte hain aalam-aarai

Ke zameen ho gayi hai sar-ta-sar Rukash-e-satah-e-charkh-e-meenai

Sabzah ko jab kahin jagah na mili Ban gaya ru-e-aab par kaai

Sabzah o gul ke dekhne ke liye Chashm-e-nargis ko di hai beenai

Hai hawa mein sharaab ki taaseer Baada-noshi hai baada-paimai

Kyun na duniya ko ho khushi Ghalib Shah-e-deen-daar ne shifa paai