Phir hua waqt ke ho baal-kusha mauj-e-sharab

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 160 chapter_title: "Phir hua waqt ke ho baal-kusha mauj-e-sharab" chapter_slug: "160-phir-hua-waqt-ke-ho-baal-kusha-mauj-e-sharab" variant_id: "16bc2c6d-119f-4106-9a19-c3f64ae33e73" content_type: transliteration layout: verse language: Urdu source_language: Urdu language_direction: ltr script: latin word_count: 140 estimated_read_time: 1

Phir hua waqt ke ho baal-kusha mauj-e-sharab De bat-e-mai ko dil-o-dast-e-shana mauj-e-sharab

Poochh mat wajah-e-siyah-masti-e-arbaab-e-chaman Saaya-e-taak mein hoti hai hawa mauj-e-sharab

Jo hua gharq-e-mai bakht-e-rasa rakhta hai Sar se guzre pe bhi hai baal-e-huma mauj-e-sharab

Hai yeh barsaat woh mausam ke ajab kya hai agar Mauj-e-hasti ko kare faiz-e-hawa mauj-e-sharab

Chaar mauj uthti hai toofan-e-tarab se har su Mauj-e-gul, mauj-e-shafaq, mauj-e-saba, mauj-e-sharab

Jis qadar rooh-e-nabati hai jigar tishna-e-naaz De hai taskeen ba-dam-e-aab-e-baqa mauj-e-sharab

Baske daude hai rag-e-taak mein khoon ho ho kar Shehpar-e-rang se hai baal-kusha mauj-e-sharab

Mauja-e-gul se charaghan hai guzargaah-e-khayal Hai tasavvur mein ze-bas jalwa-numa mauj-e-sharab

Nasha ke parde mein hai mehv-e-tamasha-e-dimaagh Baske rakhti hai sar-e-nashv-o-numa mauj-e-sharab

Ek aalam pe hain toofani-kaifiyat-e-fasl Mauja-e-sabza-e-nau-khez se ta mauj-e-sharab

Sharh-e-hangama-e-hasti hai zehe mausam-e-gul Rehbar-e-qatra-ba-dariya hai khusha mauj-e-sharab

Hosh udte hain mere jalwa-e-gul dekh Asad Phir hua waqt ke ho baal-kusha mauj-e-sharab