Na hui gar mere marne se tasalli na sahi

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 146 chapter_title: Na hui gar mere marne se tasalli na sahi chapter_slug: "146-na-hui-gar-mere-marne-se-tasalli-na-sahi" variant_id: "05291f02-a1d0-4354-afea-d34d184a6427" content_type: transliteration layout: verse language: Urdu source_language: Urdu language_direction: ltr script: latin word_count: 95 estimated_read_time: 1

Na hui gar mere marne se tasalli na sahi Imtihaan aur bhi baaqi ho toh yeh bhi na sahi

Khaar khaar-e-alam-e-hasrat-e-deedar toh hai Shauq gulcheen-e-gulistan-e-tasalli na sahi

Mai-parastaan khum-e-mai munh se lagaaye hi bane Ek din gar na hua bazm mein saaqi na sahi

Nafas-e-Qais ke hai chashm-o-charagh-e-sehra Gar nahin shama-e-siyaah-khaana-e-Laila na sahi

Ek hangama pe mauqoof hai ghar ki raunaq Noha-e-gham hi sahi naghma-e-shaadi na sahi

Na sataaish ki tamanna na silay ki parwaah Gar nahin hain mere ashaar mein maani na sahi

Ishrat-e-sohbat-e-khoobaan hi ghanimat samjho Na hui Ghalib agar umr-e-taba'ee na sahi