Na gul-naghma hoon na parda-e-saaz

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 144 chapter_title: "Na gul-naghma hoon na parda-e-saaz" chapter_slug: "144-na-gul-naghma-hoon-na-parda-e-saaz" variant_id: "f3b4722f-20df-4c9e-aa31-d9f51c0dcb9c" content_type: transliteration layout: verse language: Urdu source_language: Urdu language_direction: ltr script: latin word_count: 90 estimated_read_time: 1

Na gul-naghma hoon na parda-e-saaz Main hoon apni shikast ki aawaaz

Tu aur aaraish-e-kham-e-kaakul Main aur andesha-haaye-door-daraaz

Laaf-e-tamkeen fareb-e-saada-dili Hum hain aur raaz-haaye-seena-gudaaz

Hoon giraftaar-e-ulfat-e-sayyaad Varna baaqi hai taaqat-e-parvaaz

Woh bhi din ho ke us sitam-gar se Naaz kheenchun bajaaye hasrat-e-naaz

Nahin dil mein mere woh qatra-e-khoon Jis se mizhgaan hui na ho gulbaaz

Aye tera ghamza yak-qalam-angez Aye tera zulm sar-ba-sar andaaz

Tu hua jalwa-gar mubarak ho Rezish-e-sajda-e-jabeen-e-niyaaz

Mujh ko poochha toh kuch ghazab na hua Main ghareeb aur tu ghareeb-nawaaz

Asadullah Khan tamaam hua Aye dareegha woh rind-e-shaahid-baaz