Bahut sahi gham-e-geeti sharaab kam kya hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 14 chapter_title: "Bahut sahi gham-e-geeti sharaab kam kya hai" chapter_slug: "14-bahut-sahi-gham-e-geeti-sharaab-kam-kya-hai" variant_id: "b5c22c09-e662-433c-84e9-8a9d55fa7817" content_type: transliteration layout: verse language: Urdu source_language: Urdu language_direction: ltr script: latin word_count: 100 estimated_read_time: 1

Bahut sahi gham-e-geeti sharaab kam kya hai Ghulam-e-saaqi-e-kausar hoon mujh ko gham kya hai

Tumhaari tarz-o-ravish jaante hain hum kya hai Raqeeb par hai agar lutf to sitam kya hai

Sukhan mein khaama-e-Ghalib ki aatish-afshaani Yaqeen hai hum ko bhi lekin ab us mein dam kya hai

Kate to shab kaheen kaate to saanp kehlaawe Koi batao ke woh zulf-e-kham-ba-kham kya hai

Likha kare koi ehkaam-e-taala-e-maulood Kise khabar hai ke waan jumbish-e-qalam kya hai

Na hashr-o-nashr ka qaayil na kaish-o-millat ka Khuda ke waaste aise ki phir qasam kya hai

Woh daad-o-deed giraan-maaya shart hai hum-dum Wagarna mohr-e-Suleiman-o-jaam-e-Jam kya hai