Meherbaan ho ke bula lo mujhe chaaho jis waqt

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 135 chapter_title: Meherbaan ho ke bula lo mujhe chaaho jis waqt chapter_slug: "135-meherbaan-ho-ke-bula-lo-mujhe-chaaho-jis-waqt" variant_id: "845d681f-5b09-4cd1-8354-67534321f271" content_type: transliteration layout: verse language: Urdu source_language: Urdu language_direction: ltr script: latin word_count: 133 estimated_read_time: 1

Meherbaan ho ke bula lo mujhe chaaho jis waqt Main gaya waqt nahin hoon ke phir aa bhi na sakoon

Zoaf mein taana-e-aghyar ka shikwa kya hai Baat kuch sar toh nahin hai ke utha bhi na sakoon

Zeher milta hi nahin mujh ko sitam-gar warna Kya qasam hai tere milne ki ke kha bhi na sakoon

Is qadar zabt kahan hai kabhi aa bhi na sakoon Sitam itna toh na keeje ke utha bhi na sakoon

Lag gayi aag agar ghar ko toh andesha kya Shola-e-dil toh nahin hai ke bujha bhi na sakoon

Tum na aao-ge toh marne ki hain sau tadbeerein Maut kuch tum toh nahin ho ke bula bhi na sakoon

Hans ke bulwaiye mit jaaye-ga sab dil ka gila Kya tasawwur hai tumhara ke mita bhi na sakoon