Masjid ke zer-e-saaya kharabaat chahiye

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 131 chapter_title: "Masjid ke zer-e-saaya kharabaat chahiye" chapter_slug: "131-masjid-ke-zer-e-saaya-kharabaat-chahiye" variant_id: "90ed6ce0-e4b1-44fb-a66c-5dff8fda3067" content_type: transliteration layout: verse language: Urdu source_language: Urdu language_direction: ltr script: latin word_count: 105 estimated_read_time: 1

Masjid ke zer-e-saaya kharabaat chahiye Bhon paas aankh qibla-e-haajaat chahiye Aashiq hue hain aap bhi ek aur shakhs par Aakhir sitam ki kuch toh makafaat chahiye De daad ae falak dil-e-hasrat-parast ki Haan kuch na kuch talafi-e-mafaat chahiye Seekhe hain meh-rukhon ke liye hum musawwari Taqreeb kuch toh behr-e-mulaqaat chahiye Mai se gharaz nishaat hai kis roo-siyah ko Ek-goona bekhudi mujhe din raat chahiye Nashonuma hai asl se Ghalib furoo ko Khaamoshi hi se nikle hai jo baat chahiye Hai rang-e-lala-o-gul-o-nasreen juda juda Har rang mein bahaar ka asbaat chahiye Sar paaye-khum pe chahiye hangaam-e-bekhudi Roo soo-e-qibla waqt-e-munaajaat chahiye Yaani ba-hasb-e-gardish-e-paimana-e-sifaat Aarif hamesha mast-e-mai-e-zaat chahiye