Kya tang hum sitam-zadagaan ka jahaan hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 116 chapter_title: "Kya tang hum sitam-zadagaan ka jahaan hai" chapter_slug: "116-kya-tang-hum-sitam-zadagaan-ka-jahaan-hai" variant_id: "5195a608-7a2b-4071-99e1-22fc6956f479" content_type: transliteration layout: verse language: Urdu source_language: Urdu language_direction: ltr script: latin word_count: 132 estimated_read_time: 1

Kya tang hum sitam-zadagaan ka jahaan hai Jis mein ke ek baiza-e-mor aasmaan hai

Hai kaaynaat ko harkat tere zauq se Partau se aaftaab ke zarre mein jaan hai

Haalaanke hai yeh seli-e-khaara se laala rang Ghaafil ko mere sheeshe pe mai ka gumaan hai

Ki us ne garm seena-e-ahl-e-hawas mein jaa Aave na kyun pasand ke thanda makaan hai

Kya khoob tum ne ghair ko bosa nahi diya Bas chup raho hamare bhi munh mein zabaan hai

Baitha hai jo ke saaya-e-deewar-e-yaar mein Farmaan-rawaa-e-kishwar-e-Hindustan hai

Hasti ka aitbaar bhi gham ne mita diya Kis se kahun ke daagh jigar ka nishaan hai

Hai baare aitmaad-e-wafa-daari is qadar Ghalib hum is mein khush hain ke na-meherbaan hai

Delhi ke rehne waalo Asad ko satao mat Be-chaara chand roz ka yaan mehmaan hai