Ki wafa hum se to ghair uss ko jafa kehte hain

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 111 chapter_title: Ki wafa hum se to ghair uss ko jafa kehte hain chapter_slug: "111-ki-wafa-hum-se-to-ghair-uss-ko-jafa-kehte-hain" variant_id: "90ff4cb0-b505-4823-a7dc-969c2e7d0123" content_type: transliteration layout: verse language: Urdu source_language: Urdu language_direction: ltr script: latin word_count: 144 estimated_read_time: 1

Ki wafa hum se to ghair uss ko jafa kehte hain Hoti aayi hai ke achhon ko bura kehte hain

Aaj hum apni pareshaani-e-khatir un se Kehne jaate to hain par dekhiye kya kehte hain

Agle waqton ke hain yeh log inhein kuch na kaho Jo mai-o-naghma ko andoh-ruba kehte hain

Dil mein aa jaaye hai hoti hai jo fursat ghash se Aur phir kaun se naale ko rasaa kehte hain

Hai pare-sarhad-e-idraak se apna masjood Qible ko ehl-e-nazar qibla-numa kehte hain

Paaye-afgaar pe jab se tujhe reham aaya hai Khaar-e-rah ko tere hum mehr-e-giya kehte hain

Ik sharar dil mein hai uss se koi ghabraayega kya Aag matloob hai hum ko jo hawa kehte hain

Dekhiye laati hai uss shokh ki nakhwat kya rang Uss ki har baat pe hum naam-e-khuda kehte hain

Vahshat-o-Shefta ab marsiya kahwein shaayad Mar gaya Ghalib-e-aashufta-nawa kehte hain