Kaargah-e-hasti mein laala daagh-e-samaan hai

کارگاہ_ہستی میں لالہ داغ_ساماں ہے برق_خرمن_راحت خون_گرم_دہقاں ہے

غنچہ تا شگفتن_ہا برگ_عافیت معلوم باوجود_دل_جمعی خواب_گل پریشاں ہے

ہم سے رنج_بیتابی کس طرح اٹھایا جائے داغ پشت_دست_عجز شعلہ خس_بہ_دنداں ہے

عشق کے تغافل سے ہرزہ_گرد ہے عالم روئے_شش_جہت_آفاق پشت_چشم_زنداں ہے

حیرت تپیدن ہا خوں بہائے دیدن ہا رنگ گل کے پردے میں آئینہ پر افشاں ہے

وحشت انجمن ہے گل دیکھ لالے کا عالم مثل دود مجمر کے داغ بال افشاں ہے

اے کرم نہ ہو غافل ورنہ ہے اسد بیدل بے گھر صدف گویا پشت چشم نیساں ہے