Wataniyat

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 25 chapter_title: Wataniyat chapter_slug: "25-wataniyat" variant_id: "a1c3ef0d-1209-45fb-9c43-c5618beddbc8" content_type: transliteration layout: verse language: Urdu source_language: Urdu language_direction: ltr script: latin word_count: 170 estimated_read_time: 1

Wataniyat (Wataniyat)

Is daur mein may aur hai, jaam aur hai Jam aur Saqi ne bana ki ravish lutf-o-sitam aur Muslim ne bhi taameer kiya apna haram aur Tehzeeb ke Aazar ne tarshwaaye sanam aur In taaza khudaon mein bada sab se watan hai Jo pairahan is ka hai, woh mazhab ka kafan hai

Yeh butt keh taraasheeda-e-tehzeeb-e-naui hai Ghaarat-gar-e-kaashaana-e-deen-e-Nabawi hai Baazu tera Tauheed ki quwwat se qavi hai Islam tera des hai, tu Mustafavi hai Nazzaara-e-dereena zamaane ko dikha de Aye Mustafavi khaak mein is butt ko mila de!

Ho qaid-e-maqaami to nateeja hai tabaahi Reh behr mein azaad-e-watan soorat-e-maahi Hai tark-e-watan sunnat-e-Mehboob-e-Ilaahi De tu bhi Nabuwwat ki sadaaqat pe gawaahi Guftaar-e-siyaasat mein watan aur hi kuch hai Irshaad-e-Nabuwwat mein watan aur hi kuch hai

Aqwaam-e-jahaan mein hai raqaabat to isi se Taskheer hai maqsood-e-tijaarat to isi se Khaali hai sadaaqat se siyaasat to isi se Kamzor ka ghar hota hai ghaarat to isi se Aqwaam mein makhlooq-e-Khuda bat-ti hai is se Qaumiyat-e-Islam ki jadd kat-ti hai is se