Huzoor Risalat Ma'ab Mein

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 11 chapter_title: "Huzoor Risalat Ma'ab Mein" chapter_slug: "11-huzoor-risalat-maab-mein" variant_id: "024987d7-1eb4-4fde-8ffc-0e387e744f1b" content_type: transliteration layout: verse language: Urdu source_language: Urdu language_direction: ltr script: latin word_count: 158 estimated_read_time: 1

Huzoor Risalat Ma'ab Mein (Hazoor-e-Risalat)

Giran Jo mujh pe yeh hangama-e-zamana hua Jahan Se baandh ke rakht-e-safar rawana hua Qayood Shaam-o-seher mein basar to ki lekin Nizaam Kohna-e-alam se aashna na hua Farishte Bazm-e-risalat mein le gaye mujh ko Huzoor Aaya-e-rehmat mein le gaye mujh ko

Kaha Huzoor ne, ae andaleeb-e-bagh-e-Hijaaz! Kali Kali hai teri garmi-e-nawa se gudaaz Hamesha Sarkhush-e-jaam-e-wila hai dil tera Fitadgi Hai teri ghairat-e-sujood-e-niyaaz Ura Jo pasti-e-dunya se tu soo-e-gardoon Sikhayi Tujh ko mala'ik ne rif'at-e-parwaaz Nikal Ke bagh-e-jahan se ba-rang-e-boo aaya Hamare Waaste kya tohfa le ke tu aaya? ''

Huzoor! Dehr mein aasoodgi nahin milti Talaash Jis ki hai woh zindagi nahin milti Hazaron Lala-o-gul hain riyaaz-e-hasti mein Wafa Ki jis mein ho boo, woh kali nahin milti Magar Main nazr ko ek aabgeena laya hoon Jo Cheez is mein hai, jannat mein bhi nahin milti Jhalakti Hai teri ummat ki aabroo is mein Tarablus Ke shaheedon ka hai lahu is mein ''