Sarguzasht-e-Adam

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 37 chapter_title: "Sarguzasht-e-Adam" chapter_slug: "37-sarguzasht-e-adam" variant_id: "8ae499e2-0e89-4641-b2fd-0b07fcd9c430" content_type: transliteration layout: verse language: Urdu source_language: Urdu language_direction: ltr script: latin word_count: 254 estimated_read_time: 1 source_url: "https://www.allamaiqbal.com/works/poetry/urdu/bang/text/part01/38.htm"

Sarguzasht-e-Adam (Sarguzasht-e-Adam)

Collection: Bang-e-Dara Part: part01

sune koi meri ghurbat ki dastaan mujh se bhulaya qissa-e-paimaan-e-awwaleen mein ne lagi na meri tabiyat riyaz-e-jannat mein piya shaoor ka jab jaam-e-aatishin mein ne rahi haqeeqat-e-alam ki justuju mujh ko dikhaya auj-e-khayal falak nashin mein ne mila mizaj-e-taghayyur pasand kuch aisa kiya qarar na zer-e-falak kahin mein ne nikala Kaabe se pathar ki mooraton ko kabhi kabhi buton ko banaya haram nashin mein ne kabhi main zauq-e-takallum mein Toor par pahuncha chhupaya noor-e-azal zer-e-aasteen mein ne kabhi saleeb pe apnon ne mujh ko latkaya kiya falak ko safar, chhod kar zameen mein ne kabhi main ghaar-e-Hira mein chhupa raha barson diya jahan ko kabhi jaam-e-aakhreen mein ne sunaya Hind mein aa kar sarood-e-rabbani pasand ki kabhi Yunan ki sar zameen mein ne deyar Hind ne jis dam meri sada na suni basaya khitta-e-Japan o mulk-e-Cheen mein ne banaya zarron ki tarkeeb se kabhi aalam khilaf maani-e-taleem-e-ehl-e-deen mein ne lahu se laal kiya sainkron zameenon ko jahan mein chhed ke paikaar-e-aql-o-deen mein ne samajh mein aayi haqeeqat na jab sitaron ki usi khayal mein raatein guzaar din mein ne dara sakeen na kaleesa ki mujh ko talwarein sikhaya masla-e-gardish-e-zameen mein ne kashish ka raaz huweda kiya zamane par laga ke aaina-e-aql-e-door-been mein ne kiya aseer shuaaon ko, barq-e-muztar ko bana di ghairat-e-jannat yeh sar zameen mein ne magar khabar na mili aah! raaz-e-hasti ki kiya khirad se jahan ko teh-e-nageen mein ne hui jo chashm-e-mazahir parast vaa aakhir toh paaya khana-e-dil mein use makeen mein ne