Sach keh doon ae Brahman! gar tu bura na maane

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 36 chapter_title: "Sach keh doon ae Brahman! gar tu bura na maane" chapter_slug: "36-sach-keh-doon-ae-brahman-gar-tu-bura-na-maane" variant_id: "918b9252-3374-4d40-a502-d988b17c2e31" content_type: transliteration layout: verse language: Urdu source_language: Urdu language_direction: ltr script: latin word_count: 150 estimated_read_time: 1

Sach keh doon ae Brahman! gar tu bura na maane Tere sanam-kadon ke but ho gaye purane Apnon se bair rakhna tu ne buton se seekha Jang-o-jadal sikhaya waaiz ko bhi Khuda ne Tang aa ke main ne aakhir dair-o-haram ko chhora Waaiz ka waaz chhora, chhore tere fasaane Patthar ki mooraton mein samjha hai tu Khuda hai Khaak-e-watan ka mujh ko har zarra devta hai Aa, ghairiyat ke parde ik baar phir utha dein Bichhdon ko phir mila dein, naqsh-e-dui mita dein Sooni padi hui hai muddat se dil ki basti Aa, ik naya shivala is des mein bana dein Duniya ke teerthon se ooncha ho apna teerath Damaan-e-aasmaan se is ka kalas mila dein Har subah uth ke gaayein mantra woh meethe meethe Saare pujariyon ko mai preet ki pila dein Shakti bhi shaanti bhi bhagton ke geet mein hai Dharti ke baasiyon ki mukti preet mein hai