Hindustani Bachon Ka Qaumi Geet

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 26 chapter_title: Hindustani Bachon Ka Qaumi Geet chapter_slug: "26-hindustani-bachon-ka-qaumi-geet" variant_id: "75852eee-ab0f-446f-bdfb-9165410ac9b8" content_type: transliteration layout: verse language: Urdu source_language: Urdu language_direction: ltr script: latin word_count: 175 estimated_read_time: 1

Hindustani Bachon Ka Qaumi Geet (Hindustani Bachon Ka Qaumi Geet)

Chishti ne jis zameen mein paigham-e-haq sunaya Nanak ne jis chaman mein wahdat ka geet gaya Tatariyon ne jis ko apna watan banaya Jis ne Hijaziyon se dasht-e-Arab chhudaya Mera watan wohi hai, mera watan wohi hai

Yunanion ko jis ne hairaan kar diya tha Saare jahan ko jis ne ilm-o-hunar diya tha Mitti ko jis ki haq ne zar ka asar diya tha Turkon ka jis ne daaman heeron se bhar diya tha Mera watan wohi hai, mera watan wohi hai

Toote thay jo sitaare Faras ke aasman se Phir taab de ke jis ne chamkaye kehkashan se Wahdat ki lay suni thi duniya ne jis makaan se Meer-e-Arab ko aayi thandi hawa jahan se Mera watan wohi hai, mera watan wohi hai

Bande Kaleem jis ke, parbat jahan ke Seena Nuh Nabi ka aa kar thehra jahan safeena Rifat hai jis zameen ki baam-e-falak ka zeena Jannat ki zindagi hai jis ki fiza mein jeena Mera watan wohi hai, mera watan wohi hai