Aaftab

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 14 chapter_title: Aaftab chapter_slug: "14-aaftab" variant_id: "fddecf3c-01bb-42e0-91a9-60d593266f04" content_type: transliteration layout: verse language: Urdu source_language: Urdu language_direction: ltr script: latin word_count: 127 estimated_read_time: 1

Aaftab

Ae Aaftab! Rooh-o-rawaan-e-jahan hai tu Shiraza band-e-daftar-e-kaun-o-makaan hai tu Baais hai tu wajood-o-adam ki namood ka Hai sabz tere dam se chaman-e-hast-o-bood ka Qayam yeh anasiron ka tamasha tujhi se hai Har shay mein zindagi ka taqaza tujhi se hai Har shay ko teri jalwa-gari se sabaat hai Tera yeh soz-o-saaz sarapa hayat hai Woh Aaftab jis se zamaane mein noor hai Dil hai, khirad hai, rooh-e-rawaan hai, shaoor hai Ae Aaftab, hum ko ziya-e-shaoor de Chashm-e khirad ko apni tajalli se noor de Hai mehfil-e-wajood ka saamaan taraaz tu Yazdaan-e saakinan-e-nasheb-o-faraaz tu Tera kamaal-e-hasti har jaandaar mein Teri namood silsila-e-kohsaar mein Har cheez ki hayat ka parwardigaar tu Zaaidgaan-e noor ka hai taajdaar tu Ne ibtida koi na koi inteha teri Azaad-e qaid-e-awwal-o-aakhir ziya teri