Bacha aur Shama
20th Century Allama Iqbal Urdutransliterator: thothica
work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 15 chapter_title: Bacha aur Shama chapter_slug: "15-bacha-aur-shama" variant_id: "3ee53276-c48a-40df-a354-e73f29a39569" content_type: transliteration layout: verse language: Urdu source_language: Urdu language_direction: ltr script: latin word_count: 241 estimated_read_time: 1
Bacha aur Shama
Kaisi hairani hai yeh ae tiflak-e-parwana khoo ! Shama ke sholon ko ghadiyon dekhta rehta hai tu Yeh meri aaghosh mein baithe hue junbish hai kya Roshni se kya baghal-geeri hai tera mudda'a? Iss nazare se tera nanha sa dil hairaan hai Yeh kisi dekhi hui shai ki magar pehchaan hai Shama ik shola hai lekin tu sarapa noor hai Aah ! is mehfil mein yeh uryaan hai tu mastoor hai Dast-e qudrat ne ise kya jaane kyun uryaan kiya ! tujh ko khaak-e-teera ke fanoos mein pinhaan kiya Noor tera chhip gaya zer-e-naqaab-e-aagahi Hai ghubaar-e-deeda-e-beena hijaab-e-aagahi Zindagani jis ko kehte hain faramoshi hai yeh Khwaab hai, ghaflat hai, sarmasti hai, be-hoshi hai yeh Mehfil-e qudrat hai ik darya-e-be-payaan-e-husn Aankh agar dekhe to har qatre mein hai toofan-e-husn Husn , kohistaan ki haibat naak khamoshi mein hai Mehr ki zau-gustari, shab ki siyah-poshi mein hai Aasmaan-e subah ki aaina-poshi mein hai yeh Shaam ki zulmat, shafaq ki gul-faroshi mein hai yeh Azmat-e dereena ke mitte hue aasaar mein Tiflak-e na-aashna ki koshish-e-guftaar mein Saakinan-e sehn-e-gulshan ki hum-aawazi mein hai Nanhe nanhe taairon ki aashiyan-saazi mein hai Chashma-e kohsaar mein, darya ki aazadi mein husn Sheher mein, sehra mein, veeranay mein, aabadi mein husn Rooh ko lekin kisi gum-gashta shai ki hai hawas Varna is sehra mein kyun naalaan hai yeh misl-e-jaras ! Husn ke is aam jalway mein bhi yeh be-taab hai Zindagi is ki misaal maahi-e-be-aab hai