Na aate, humein is mein takraar kya thi

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 10 chapter_title: Na aate, humein is mein takraar kya thi chapter_slug: "10-na-aate-humein-is-mein-takraar-kya-thi" variant_id: "c460cea5-8fc2-42dd-a184-6a3f99b97e6d" content_type: transliteration layout: verse language: Urdu source_language: Urdu language_direction: ltr script: latin word_count: 81 estimated_read_time: 1

Na aate, humein is mein takraar kya thi Magar waada karte hue aar kya thi

Tumhaare payaami ne sab raaz khola Khata is mein bande ki sarkaar kya thi

Bhari bazm mein apne aashiq ko taada Teri aankh masti mein hoshiyaar kya thi!

Taammul to tha un ko aane mein qaasid Magar yeh bata tarz-e-inkaar kya thi

Khinche khud ba khud jaanib-e-Toor-e-Musa Kashish teri ae shauq-e-deedar kya thi!

Kahin zikr rehta hai Iqbal tera Fusoon tha koi, teri guftaar kya thi