Sakhtiyan karta hoon dil par, ghair se ghafil hoon main

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 11 chapter_title: Sakhtiyan karta hoon dil par, ghair se ghafil hoon main chapter_slug: "11-sakhtiyan-karta-hoon-dil-par-ghair-se-ghafil-hoon-" variant_id: "72b7dce8-efdb-493a-a2b0-167450d60eb9" content_type: transliteration layout: verse language: Urdu source_language: Urdu language_direction: ltr script: latin word_count: 110 estimated_read_time: 1

Sakhtiyan karta hoon dil par, ghair se ghafil hoon main Haaye! Kya achhi kahi, zaalim hoon main, jaahil hoon main

Main jabhi tak tha ke teri jalwa pairaai na thi Jo namood-e-haq se mit jaata hai, woh baatil hoon main

Ilm ke darya se nikle ghota-zan gohar badast Waaye mehroomi! khazaf cheen-e-lab-e-saahil hoon main

Hai meri zillat hi kuch meri sharafat ki daleel Jis ki ghaflat ko malak rote hain, woh ghafil hoon main

Bazm-e-hasti! apni aaraish pe tu naazaan na ho Tu toh ek tasveer hai mehfil ki aur mehfil hoon main

Dhoondta phirta hoon aye Iqbal! apne aap ko Aap hi goya musafir, aap hi manzil hoon main