Tere ishq ki inteha chahta hoon

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 12 chapter_title: Tere ishq ki inteha chahta hoon chapter_slug: "12-tere-ishq-ki-inteha-chahta-hoon" variant_id: "b4f23d14-c1ff-4e73-ba8f-9625bebeb634" content_type: transliteration layout: verse language: Urdu source_language: Urdu language_direction: ltr script: latin word_count: 82 estimated_read_time: 1

Tere ishq ki inteha chahta hoon Meri saadgi dekh kya chahta hoon Sitam ho ke ho waada-e-be-hijaabi Koi baat sabr-aazma chahta hoon Yeh jannat mubarak rahe zahidon ko Ke main aap ka saamna chahta hoon Zara sa to dil hoon, magar shokh itna Wohi lan taraani sunna chahta hoon Koi dam ka mehmaan hoon ae ahl-e-mehfil Chiragh -e-seher hoon, bujha chahta hoon Bhari bazm mein raaz ki baat keh di Bada be-adab hoon, saza chahta hoon