Chapter 94

Vi_94

gṛhī valīpalitadarśane vanāśrayo bhavet // Vi_94.1 //

apatyasya cāpatyadarśane vā // Vi_94.2 //

putreṣu bhāryāṃ nikṣipya tayānugmyamāno vā // Vi_94.3 //

tatrāpy agnīn upacaret // Vi_94.4 //

aphālakṛṣṭena pañca yajñān na hāpayet // Vi_94.5 //

svādhyāyaṃ ca na jahyāt // Vi_94.6 //

brahmacaryaṃ pālayet // Vi_94.7 //

carmacīravāsāḥ syāt // Vi_94.8 //

jaṭāśmaśrulomanakhāṃś ca bibhṛyāt // Vi_94.9 //

triṣavaṇasnāyī syāt // Vi_94.10 //

kapotavṛttir māsanicayaḥ saṃvatsaranicayo vā // Vi_94.11 //

saṃvatsaranicayī pūrvanicitam āśvayujyāṃ jahyāt // Vi_94.12 //

grāmād āhṛtya vāśnīyād aṣṭau grāsān vane vasan /

puṭenaiva palāśena pāṇinā śakalena vā || Vi_94.13 ||