Chapter 72

Vi_72

damayamena tiṣṭhet // Vi_72.1 //

damaś cendriyāṇāṃ prakīrtitaḥ // Vi_72.2 //

dāntasyāyaṃ lokaḥ paraś ca // Vi_72.3 //

nādāntasya kriyā kācit samṛdhyati // Vi_72.4 //

damaḥ pavitraṃ paramaṃ maṅgalyaṃ paramaṃ damaḥ /

damena sarvam āpnoti yat kiṃcin manasecchati || Vi_72.5 ||

daśārdhayuktena rathena yāto manovaśenāryapathānuvartinā /

taṃ ced rathaṃ nāpaharanti vājinas tathāgataṃ nāvajayanti śatravaḥ || Vi_72.6 ||

āpūryamāṇam acalapratiṣṭhaṃ samudram āpaḥ praviśanti yadvat /

tadvat kāmā yaṃ praviśanti sarve sa śāntim āpnoti na kāmakāmī || Vi_72.7 ||