Khoob roka shikayaton se mujhe

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 28 chapter_title: Khoob roka shikayaton se mujhe chapter_slug: "28-khoob-roka-shikayaton-se-mujhe" variant_id: "91d069d7-ede9-4ccc-91a0-8be1bf24a748" content_type: transliteration layout: verse language: Urdu source_language: Urdu language_direction: ltr script: latin word_count: 77 estimated_read_time: 1

Khoob roka shikayaton se mujhe Tu ne maara inayaton se mujhe

Wajib-ul-qatl us ne thehraya Aayaton se riwayaton se mujhe

Kehte kya kya hain dekh to aghyaar Yaar teri himayaton se mujhe

Kya ghazab hai ke dost tu samjhe Dushmanon ki riayaton se mujhe

Dam-e-girya kami na kar ae chashm Shauq kam hai kifayaton se mujhe

Kami-e-girya ne jala maara Hua nuqsaan kifayaton se mujhe

Le gayi ishq ki hidayat Zauq Un kane sab nihayaton se mujhe