Aankh us pur-jafa se ladti hai

transliterator: thothica

work_id: "0fa79898-d38f-4725-91d2-05e4c28435c9" work_slug: "sheikh-ibrahim-zauq-diwan-e-zauq-0fa798" work_title: "Diwan-E-Zauq" author_name: Sheikh Ibrahim Zauq chapter_number: 1 chapter_title: "Aankh us pur-jafa se ladti hai" chapter_slug: "01-aankh-us-pur-jafa-se-ladti-hai" variant_id: "27d47711-06e7-41d3-864d-7e5668870670" content_type: transliteration layout: verse language: Urdu source_language: Urdu language_direction: ltr script: latin word_count: 144 estimated_read_time: 1

Aankh us pur-jafa se ladti hai Jaan kashti qaza se ladti hai

Shola bhadke na kyun ke mehfil mein Shama tujh bin hawa se ladti hai

Qismat us but se ja ladi apni Dekho ahmaq Khuda se ladti hai

Shor-e-qulqul yeh kyun hai dukhtar-e-raz Kya kisi paarsa se ladti hai

Nahin mizhgaan ki do safein goya Ik bala ik bala se ladti hai

Nigaah-e-naaz us ki aashiq se Chhot kis kis ada se ladti hai

Tere beemar ke sar-e-baaleen Maut kya kya shifa se ladti hai

Zaal-e-duniya ne sulah ki kis din Yeh ladaaka sada se ladti hai

Waah kya kya tabiyat apni bhi Ishq mein ibtida se ladti hai

Dekh us chashm-e-mast ki shokhi Jab kisi paarsa se ladti hai

Teri shamsheer-e-khoon ke chheenton se Chheente aab-e-baqa se ladti hai

Sach hai Al-harbu khid'atun aye Zauq Nigaah us ki dagha se ladti hai