Junoon tohmat-kash-e-taskeen na ho gar shadmani ki

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 98 chapter_title: "Junoon tohmat-kash-e-taskeen na ho gar shadmani ki" chapter_slug: "98-junoon-tohmat-kash-e-taskeen-na-ho-gar-shadmani-ki" variant_id: "6f6478c6-e02a-4b16-b59e-e0ae5e12a4a9" content_type: transliteration layout: verse language: Urdu source_language: Urdu language_direction: ltr script: latin word_count: 91 estimated_read_time: 1

Junoon tohmat-kash-e-taskeen na ho gar shadmani ki Namak-paash-e-kharaash-e-dil hai lazzat-e-zindagani ki

Kashakash-haaye-hasti se kare kya saii-e-aazaadi Hui zanjeer-e-mauj-e-aab ko fursat rawaani ki

Pas-az-murdan bhi deewana ziarat-gah-e-tiflaan hai Sharaar-e-sang ne turbat pe meri gul-fishaani ki

Na kheench ae saii-e-dast-e-na-rasa zulf-e-tamanna ko Pareshaan-tar hai moo-e-khaama se tadbeer-e-maani ki

Kahaan hum bhi rag-o-pay rakhte hain, insaaf behtar hai Na kheenche taaqat-e-khamiyaza tohmat-e-naatwaani ki

Takalluf bartaraf Farhad aur itni subuk-dasti Khayaal aasaan tha lekin khwaab-e-Khusro ne giraani ki

Asad ko boriye mein dhar ke phoonka mauj-e-hasti ne Faqeeri mein bhi baaqi hai sharaarat naujawaani ki