Hai sabza-zaar har dar-o-deewar-e-gham-kada

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 63 chapter_title: "Hai sabza-zaar har dar-o-deewar-e-gham-kada" chapter_slug: "63-hai-sabza-zaar-har-dar-o-deewar-e-gham-kada" variant_id: "ac1bb604-940f-44a9-b13a-8faa0d7331d1" content_type: transliteration layout: verse language: Urdu source_language: Urdu language_direction: ltr script: latin word_count: 84 estimated_read_time: 1

Hai sabza-zaar har dar-o-deewar-e-gham-kada Jis ki bahaar yeh ho phir us ki khizaan na poochh

Naachaar bekasi ki bhi hasrat uthaaiye Dushwaari-e-rah-o-sitam-e-ham-rahaan na poochh

Juz dil suraagh-e-dard ba-dil-khuftagaan na poochh Aaina arz kar khat-o-khaal-e-bayaan na poochh

Hindustan saaya-e-gul paaye-takht tha Jaah-o-jalaal-e-ehd-e-wisaal-e-butaan na poochh

Ghaflat-mataa-e-kafa-e-mizaan-e-adl hoon Ya rab hisaab-e-sakhti-e-khwaab-e-giraan na poochh

Har daagh-e-taaza yak-dil-e-daagh-e-intezaar hai Arz-e-fazaaye-seena-e-dard-e-imtehaan na poochh

Kehta tha kal woh mahram-e-raaz apne se ke aah Dard-e-judaai-e-Asadullah Khan na poochh

Parwaaz-e-yak-tap-e-gham-e-taskheer-e-naala hai Garmi-e-nabz-e-khaar-o-khas-e-aashiyaan na poochh

Tu mashq-baaz kar dil-e-parwana hai bahaar Betaabi-e-tajalli-e-aatish-ba-jaan na poochh