Gila hai shauq ko dil mein bhi tangi-e-ja ka

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 55 chapter_title: "Gila hai shauq ko dil mein bhi tangi-e-ja ka" chapter_slug: "55-gila-hai-shauq-ko-dil-mein-bhi-tangi-e-ja-ka" variant_id: "9b773ac9-a8cb-42ce-82ab-8be2180bd161" content_type: transliteration layout: verse language: Urdu source_language: Urdu language_direction: ltr script: latin word_count: 137 estimated_read_time: 1

Gila hai shauq ko dil mein bhi tangi-e-ja ka Gauhar mein mahv hua iztiraab dariya ka

Yeh jaanta hoon ke tu aur paasakh-e-maktoob Magar sitam-zada hoon zauq-e-khaama-farsa ka

Hina-e-paa-e-khizaan hai bahaar agar hai yahi Dawaam-e-kulfat-e-khaatir hai aish-e-duniya ka

Gham-e-firaaq mein takleef-e-sair-e-baagh na do Mujhe dimaagh nahin khanda-haaye-beja ka

Hanooz mehrami-e-husn ko tarasta hoon Kare hai har bun-e-mu kaam chashm-e-beena ka

Dil uss ko pehle hi naaz-o-adaa se de baithe Humein dimaagh kahan husn ke taqaaza ka

Na keh ke girya ba-miqdaar-e-hasrat-e-dil hai Miri nigaah mein hai jama-o-kharch dariya ka

Falak ko dekh ke karta hoon uss ko yaad Asad Jafa mein uss ki hai andaaz kaar-farma ka

Mera shumool har ik dil ke paich-o-taab mein hai Main mudda'a hoon tapish-naama-e-tamanna ka

Mili na vus'at-e-jaulaan yak junoon hum ko Adam ko le gaye dil mein ghubaar sehra ka