ghar jab bana liya tere dar par kahe baghair

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 219 chapter_title: ghar jab bana liya tere dar par kahe baghair chapter_slug: "219-ghar-jab-bana-liya-tere-dar-par-kahe-baghair" variant_id: "0383d716-be72-49f4-864e-f76aa14f9611" content_type: transliteration layout: verse language: Urdu source_language: Urdu language_direction: ltr script: latin word_count: 143 estimated_read_time: 1

ghar jab bana liya tere dar par kahe baghair jaanega ab bhi tu na mera ghar kahe baghair

kehte hain jab rahi na mujhe taaqat-e-sukhan jaanoon kisi ke dil ki main kyonkar kahe baghair

kaam us se aa pada hai ke jis ka jahaan mein leve na koi naam sitam-gar kahe baghair

jee mein hi kuch nahi hai hamare wagarna hum sar jaaye ya rahe na rahein par kahe baghair

chhodunga main na us but-e-kaafir ka poojna chhode na khalq go mujhe kaafir kahe baghair

maqsad hai naaz-o-ghamza wale guftugu mein kaam chalta nahi hai dushna-o-khanjar kahe baghair

har chand ho mushaahida-e-haq ki guftugu banti nahi hai baada-o-saaghar kahe baghair

behra hoon main to chaahiye doona ho iltifaat sunta nahi hoon baat mukarrar kahe baghair

Ghalib na kar huzoor mein tu baar baar arz zaahir hai tera haal sab un par kahe baghair