Zikr us pari-vash ka aur phir bayaan apna

ذکر اس پری_وش کا اور پھر بیاں اپنا بن گیا رقیب آخر تھا جو رازداں اپنا

مے وہ کیوں بہت پیتے بزم_غیر میں یا رب آج ہی ہوا منظور ان کو امتحاں اپنا

منظر اک بلندی پر اور ہم بنا سکتے عرش سے ادھر ہوتا کاش کے مکاں اپنا

دے وہ جس قدر ذلت ہم ہنسی میں ٹالیں_گے بارے آشنا نکلا ان کا پاسباں اپنا

درد_دل لکھوں کب تک جاؤں ان کو دکھلا دوں انگلیاں فگار اپنی خامہ خونچکاں اپنا

گھستے گھستے مٹ جاتا آپ نے عبث بدلا ننگ_سجدہ سے میرے سنگ_آستاں اپنا

تا کرے نہ غمازی کر لیا ہے دشمن کو دوست کی شکایت میں ہم نے ہم_زباں اپنا

ہم کہاں کے دانا تھے کس ہنر میں یکتا تھے بے_سبب ہوا غالبؔ دشمن آسماں اپنا