Zikr mera ba-badi bhi usey manzoor nahin

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 208 chapter_title: "Zikr mera ba-badi bhi usey manzoor nahin" chapter_slug: "208-zikr-mera-ba-badi-bhi-usey-manzoor-nahin" variant_id: "269bc32d-ba7e-4af7-8b4e-2892dc5288d3" content_type: transliteration layout: verse language: Urdu source_language: Urdu language_direction: ltr script: latin word_count: 128 estimated_read_time: 1

Zikr mera ba-badi bhi usey manzoor nahin Ghair ki baat bigad jaaye toh kuchh door nahin

Waada-e-sair-e-gulistan hai khusha taale-e-shauq Muzhda-e-qatl muqaddar hai jo mazkoor nahin

Shaahid-e-hasti-e-mutlaq ki kamar hai aalam Log kehte hain ke hai par hamein manzoor nahin

Qatra apna bhi haqeeqat mein hai dariya lekin Hum ko taqleed-e-tunuk-zarfi-e-Mansoor nahin

Hasrat ae zauq-e-kharaabi ke woh taaqat na rahi Ishq-par-arbada ki goon tan-e-ranjoor nahin

Main jo kehta hoon ke hum lenge qayamat mein tumhein Kis raunat se woh kehte hain ke hum hoor nahin

Zulm kar zulm agar lutf dareegh aata ho Tu taghaaful mein kisi rang se maazoor nahin

Saaf durdi-kash-e-paimana-e-Jam hain hum log Waaye woh baada ke afshurda-e-angoor nahin

Hoon Zahoori ke muqaabil mein Khafai Ghalib Mere daawe pe yeh hujjat hai ke mash-hoor nahin