Be-e'tedaaliyon se subuk sab mein hum huay

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 18 chapter_title: "Be-e'tedaaliyon se subuk sab mein hum huay" chapter_slug: "18-be-etedaaliyon-se-subuk-sab-mein-hum-huay" variant_id: "5fb74a24-1b10-4296-a3a9-eec640bb4725" content_type: transliteration layout: verse language: Urdu source_language: Urdu language_direction: ltr script: latin word_count: 149 estimated_read_time: 1

Be-e'tedaaliyon se subuk sab mein hum huay Jitne zyaada ho gaye utne hi kam huay

Pinhan tha daam sakht qareeb aashiyaan ke Udne na paaye thay ke giraftaar hum huay

Hasti hamari apni fana par daleel hai Yaan tak mite ke aap hum apni qasam huay

Sakhti-kashaan-e-ishq ki poochhe hai kya khabar Woh log rafta rafta saraapa alam huay

Teri wafa se kya ho talaafi ke dehr mein Tere siwa bhi hum pe bohot se sitam huay

Likhte rahe junoon ki hikaayaat-e-khoon-chakaan Har-chand us mein haath hamare qalam huay

Allah re teri tundi-e-khoo jiss ke beem se Ajzaa-e-naala dil mein mere rizq-e-hum huay

Ahl-e-hawas ki fateh hai tark-e-nabard-e-ishq Jo paanv uth gaye wohi un ke alam huay

Naale adam mein chand hamare supurd thay Jo waan na khinch sake so woh yaan aa ke dam huay

Chhori Asad na hum ne gadaai mein dil-lagi Saail huay toh aashiq-e-ahl-e-karam huay