Seemab-pusht garmi-e-aaina de hai hum

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 178 chapter_title: "Seemab-pusht garmi-e-aaina de hai hum" chapter_slug: "178-seemab-pusht-garmi-e-aaina-de-hai-hum" variant_id: "a31ec987-43c7-449d-9f76-42df72032049" content_type: transliteration layout: verse language: Urdu source_language: Urdu language_direction: ltr script: latin word_count: 56 estimated_read_time: 1

Seemab-pusht garmi-e-aaina de hai hum Hairaan kiye hue hain dil-e-beqaraar ke

Aaghosh-e-gul kushooda baraaye-vidaa hai Ae andaleeb chal ke chale din bahaar ke

Yoon baad-e-zabt-e-ashk phiroon gird-e-yaar ke Paani piye kisu pe koi jaise vaar ke

Baad-az-vidaa-e-yaar ba-khoon dar tapeeda hain Naqsh-e-qadam hain hum kaf-e-paa-e-nigaar ke

Hum mashq-e-fikr-e-vasl-o-gham-e-hijr se Asad Laaiq nahin rahe hain gham-e-rozgaar ke