Mumkin nahin ke bhool ke bhi aarmeeda hoon

ممکن نہیں کہ بھول کے بھی آرمیدہ ہوں میں دشت_غم میں آہوئے_صیاد_دیدہ ہوں

ہوں درد_مند جبر ہو یا اختیار ہو گہ نالۂ_کشیدہ گہ اشک_چشیدہ ہوں

نے سبحہ سے علاقہ نے ساغر سے واسطہ میں معرض_مثال میں دست_بریدہ ہوں

ہرگز کسی کے دل میں نہیں ہے مری جگہ یعنی کلام_نغز ولے ناشنیدہ ہوں

اہل_ورع کے حلقہ میں ہر_چند ہوں ذلیل پر عاصیوں کے زمرہ میں میں برگزیدہ ہوں

ہوں گرمی_نشاط_تصور سے نغمہ_سنج میں عندلیب_گلشن_نا_آفریدہ ہوں

میں چشم_وا_کشادہ اور گلشن نظر_فریب لیکن عبث کہ شبنم_خورشید_دیدہ ہوں

پانی سے سگ_گزیدہ ڈرے جس طرح اسدؔ ڈرتا ہوں آئینہ سے کہ مردم_گزیدہ ہوں