Mat mardumak-e-deeda mein samjho yeh nigaahein

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 133 chapter_title: "Mat mardumak-e-deeda mein samjho yeh nigaahein" chapter_slug: "133-mat-mardumak-e-deeda-mein-samjho-yeh-nigaahein" variant_id: "852d06aa-a1c3-499e-9f7e-2df74f0b2194" content_type: transliteration layout: verse language: Urdu source_language: Urdu language_direction: ltr script: latin word_count: 79 estimated_read_time: 1

Mat mardumak-e-deeda mein samjho yeh nigaahein Hain jama suwayda-e-dil-e-chashm mein aahein

Kis dil pe hai azm-e-saf-e-mizhgaan-e-khud-aara Aaiine ke paayaab se utri hain sipaahein

Dair-o-haram aaiina-e-takrar-e-tamanna Waamaandagi-e-shauq taraashe hai panaahein

Joon mardumak-e-chashm se hon jama nigaahein Khwaabeeda ba-hairat-kada-e-daagh hain aahein

Phir halqa-e-kaakul mein parhin deed ki raahein Joon dood faraaham hueen rozan mein nigaahein

Paaya sar-e-har-zarra jigar-gosha-e-wehshat Hain daagh se ma'moor shaqaiq ki kulaahein

Yeh matla' Asad jauhar-e-afsoon-e-sukhan ho Gar arz-e-tapaak-e-jigar-sokhta chaahein

Hairat-kash-e-yak-jalwa-e-ma'ani hain nigaahein Kheenchun hoon suwayda-e-dil-e-chashm se aahein