Lazim tha ke dekho mera rasta koi din aur

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 125 chapter_title: Lazim tha ke dekho mera rasta koi din aur chapter_slug: "125-lazim-tha-ke-dekho-mera-rasta-koi-din-aur" variant_id: "37930cf9-03be-4d6a-b945-b963185d7970" content_type: transliteration layout: verse language: Urdu source_language: Urdu language_direction: ltr script: latin word_count: 165 estimated_read_time: 1

Lazim tha ke dekho mera rasta koi din aur Tanha gaye kyun ab raho tanha koi din aur

Mit jaayega sar gar tera patthar na ghise ga Hoon dar pe tere naasiya-farsa koi din aur

Aaye ho kal aur aaj hi kehte ho ke jaaun Maana ke hamesha nahin achha koi din aur

Jaate hue kehte ho qayamat ko milenge Kya khoob qayamat ka hai goya koi din aur

Haan ae falak-e-peer jawaan tha abhi Arif Kya tera bigadta jo na marta koi din aur

Tum maah-e-shab-e-chaar-dahum the mere ghar ke Phir kyun na raha ghar ka woh naqsha koi din aur

Tum kaun se the aise khare daad-o-sitad ke Karta malik-ul-maut taqaza koi din aur

Mujh se tumhein nafrat sahi Nayyar se ladaai Bachchon ka bhi dekha na tamasha koi din aur

Guzri na ba-har-haal yeh muddat khush-o-na-khush Karna tha jawaan-marg guzaara koi din aur

Naadaan ho jo kehte ho ke kyun jeete hain Ghalib Qismat mein hai marne ki tamanna koi din aur