Az mehr ta-ba-zarra dil-o-dil hai aaina

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 12 chapter_title: "Az mehr ta-ba-zarra dil-o-dil hai aaina" chapter_slug: "12-az-mehr-ta-ba-zarra-dil-o-dil-hai-aaina" variant_id: "b285a1e5-1529-4320-af60-9cecff13b8ba" content_type: transliteration layout: verse language: Urdu source_language: Urdu language_direction: ltr script: latin word_count: 59 estimated_read_time: 1

Az mehr ta-ba-zarra dil-o-dil hai aaina Tuti ko shash-jehat se muqabil hai aaina

Hairat hujum-e-lazzat-e-ghaltani-e-tapish Seemab-balish o kamar-e-dil hai aaina

Ghaflat ba-baal-e-jauhar-e-shamshir parfashaan Yaa'n pusht-e-chashm-e-shokhi-e-qatil hai aaina

Hairat-nigah-e-barq-e-tamasha bahaar-e-shokh Dar pardah-e-hawa par-e-bismil hai aaina

Yaa'n reh gaye hain naakhun-e-tadbeer toot kar Jauhar-e-tilism-e-uqda-e-mushkil hai aaina

Ham-zaanu-e-ta'ammul o ham-jalwa-gaah-e-gul Aaina-band-e-khalvat-o-mehfil hai aaina

Dil kaar-gaah-e-fikr o Asad be-nawa-e-dil Yaa'n sang-e-aastaana-e-Bedil hai aaina