Koi din gar zindagani aur hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 114 chapter_title: Koi din gar zindagani aur hai chapter_slug: "114-koi-din-gar-zindagani-aur-hai" variant_id: "0bc02d76-b032-427d-894f-ad001df851b0" content_type: transliteration layout: verse language: Urdu source_language: Urdu language_direction: ltr script: latin word_count: 65 estimated_read_time: 1

Koi din gar zindagani aur hai Apne jee mein hum ne thaani aur hai

Aatish-e-dozakh mein yeh garmi kahan Soz-e-gham-haaye-nihani aur hai

Baarha dekhi hain un ki ranjishein Par kuch ab ke sargirani aur hai

De ke khat munh dekhta hai naama-bar Kuch toh paigham-e-zabani aur hai

Qaati-e-a'maar hai aksar nujoom Woh bala-e-aasmani aur hai

Ho chukeen Ghalib balaayein sab tamaam Ek marg-e-nagahani aur hai